Bank va mikromoliya tashkilotlari uchun

Kredit berishdan oldin yerni sun'iy yo'ldoshdan tekshiring

Kadastr raqamini kiriting. Bitta PDF hisobotda yer chegarasini va maydon farqini (hujjat va o'lchov) ko'rasiz. Yer so'nggi 12 oyda ishlatilganmi — buni ham ko'rasiz. Kreditdagi yerlarni har oy qayta tekshiramiz (pilotda yoqiladi).

Kredit qarori bankda qoladi.

Bitta yer uchun PDF hisobotda

  • Yer chegarasi — davlatning ochiq saytlaridan (e-ijara, e-auksion)
  • Hujjatdagi va xaritada o'lchangan maydon. Farq katta bo'lsa, ogohlantiramiz.
  • 12 oy davomida oyma-oy yashillik — yer ishlatilganmi
  • Ma'lumotga ishonch darajasi: A — yuqori, B — o'rtacha, C — past (bu xato foizi emas)
  • Tahlil raqami va sanasi
  • Yer narxi faqat ma'lumot uchun. Davlat narxi (normativ qiymat) yaqin auksion yerlarining davlat narxidan olinadi. Ijara huquqi qiymati — model, taxmin; garov qiymati emas (VM qarori 613)

Yerni tekshirish arizani sekinlashtiradi

Joyga borish vaqt oladi

Inspektor har bir yerga borsa, xodimning butun ish kuni yo'lda ketadi. Filial uzoq bo'lsa, ariza kutib turadi.

Maydon hujjatdagidan farq qiladi

Hujjatdagi gektar va yerning haqiqiy chegarasi har doim ham bir xil emas. Buni qog'ozdan bilib bo'lmaydi.

Yer bo'sh turishi mumkin

Ijara huquqi garovda turgan yer ekilmagan bo'lishi mumkin. Kredit berilgandan keyin uni kuzatish uchun yana joyga borish kerak.

Uchta ish

Joyga borishdan oldin yerlarni saralash uchun. Inspektor o'rnini bosmaydi. Qaysi yerga borish kerakligini ko'rsatadi.

Bitta yerni tekshirish (Hozir ishlaydi)

Kadastr raqami bo'yicha chegarani ochiq saytlardan olamiz. Maydonni qayta o'lchaymiz. So'nggi 12 oydagi yashillikni ko'rsatamiz. Natija — PDF hisobot.

Ko'p yerni birdan tekshirish (Biznes tarifida)

Bir martada 50 tagacha kadastr raqami. Maydon farqi bor yerlarni jadvalda belgilaymiz. Qaysi yerga borishni siz tanlaysiz. Jadvalni Excel faylida (CSV) yuklab olasiz.

Kreditdagi yerlarni har oy kuzatish (Pilotda yoqiladi)

Kreditdagi yerlarni har oy qayta tekshiramiz. Yashillik o'tgan yilning shu oyidan ancha kam bo'lsa, xabar beramiz. Ekin yo'qolsa ham xabar beramiz. Bu kompyuter hisobi, yakuniy xulosa emas. U faqat «borib tekshiring» degan belgi.

Qaror bankda qoladi

  • Kredit balli bermaydi.
  • Kredit limitini hisoblamaydi.
  • Garov qiymatini aniqlamaydi. Garovdagi ijara huquqini litsenziyali baholovchi baholaydi (Vazirlar Mahkamasining 613-son qarori).
  • Joyida tekshirishning o'rnini to'liq bosmaydi. Qaysi yerga borishni tanlashga yordam beradi.

Xavf bo'yicha xulosamizni va ijara huquqi qiymati hisobini hali boshqa tashkilot tekshirmagan.

Ishonishdan oldin ochib ko'ring

Namuna yer pasporti

Auksionga qo'yilgan haqiqiy yerning tahlili (11:15:000000352). Ro'yxatdan o'tmasdan ochiladi.

Aniqlik va usul

Har bir o'lchangan raqam yonida u nechta yerda tekshirilgani va qayerda xato qilishi yozilgan.

Ma'lumot manbalari

  • Sun'iy yo'ldosh suratlari (Sentinel-2, Copernicus). Yangi surat taxminan har 5 kunda keladi, eng kichik nuqta — 10 metr
  • Davlatning ochiq saytlaridagi yer chegaralari (e-ijara, e-auksion)
  • Ob-havo tarixi (ERA5), tuproq xaritasi (SoilGrids), ob-havo prognozi (Open-Meteo)

Pilot qanday o'tadi

Pilot — qisqa sinov: bir nechta yeringizda AgroRisk'ni birga sinab ko'ramiz.

  1. Qisqa qo'ng'iroq. Arizalarni hozir qanday tekshirishingizni so'raymiz. Qaysi yerlarda sinashni kelishamiz.
  2. Nimani solishtirishni oldindan yozamiz. Natijani ko'rishdan oldin kelishamiz. Masalan: maydonni va yer ishlatilganini solishtiramiz.
  3. Siz kadastr raqamlarini berasiz, biz PDF beramiz. Shaxsiy ma'lumot kerak emas, faqat kadastr raqamlari. Har bir yer uchun PDF hisobot tayyorlaymiz.
  4. Inspektor xulosasi bilan solishtiramiz. Inspektoringiz xulosasini PDF yuborilgandan keyingina ko'ramiz. Keyin natijani birga ko'rib chiqamiz.

Yerlar sonini, muddatni va narxni qo'ng'iroqda kelishamiz va yozib qo'yamiz.

Ismingiz va telefoningizni qoldiring. Qo'ng'iroq qilib, pilot shartlarini kelishamiz. Yoki to'g'ridan-to'g'ri yozing: Telegram: @BuGulomBoy, +998 97 371 05 06.